SU L’ERT (SUL RIPIDO)

 (Veneto)

 

 Scarpon de curàn,

braghe de feltro e pastràn

un bachét par ‘iutarse a no cascàr

e un borsòn cargà, da portàr;

se rampeghéa come caorét

su pa’i sentieri de sas e sasét.

E a salvarse dal fret de i primi de màjo,

‘na bòzha de vin, par darse coràjo.

Al primo pian, su par l’ert, ‘na Madonéta

onde fermarse a ciapar fià e dir ‘na preghieréta.

Intant la schiràta, su un ran de faghèr

continua intenta su’l so mestier.

I oselet, contenti, i te tendéa

par robar ‘na fregoléta che caschéa.

Su malghe e malghete se vivea co poc:

un gal, do pite e ‘n tochet de ort.

Vizhìn de la casèra, par compagnìa,

un fràsin grant che ‘l féa ombrìa.

Pezh, che a ogni sufiada de vent

i te conta tut quel che i sent.

E in ‘te ‘sto mondo che pian ‘l  sa parlar

te vanzha anca el temp de pensar

e ringraziar, par averlo creà, Nostro Signor:

lasù l’è pì vizhin, se ghe parla col cor.

 

 (traduzione in italiano)

 

 Scarponi di cuoio,

pantaloni di feltro e mantella,

un bastone per aiutarsi a non cadere,

un borsone pieno, da portare;

ci si arrampicava come capretti

su per i sentieri di sassi e sassetti.

E per salvarsi dal freddo dei primi di maggio,

una bottiglia di vino, per darsi coraggio

Al primo ripiano, sulla salita, una Madonnina

dove fermarsi a prender fiato e dire una preghiera.

Intanto lo scoiattolo, su un ramo di faggio,

continua concentrato nel suo lavoro.

Gli uccellini, contenti, ti osservavavo

Per poter rubare una briciola che cadeva.

Su malghe e malghette si viveva con poco:

un gallo, due galline e un orticello.

Vicino alla casera, per compagnia,

un frassino grande che faceva ombra.

Pini, che ad ogni soffio di vento

ti raccontano tutto quello che sentono.

E in questo mondo che sa parlare a piano

resta anche il tempo di pensare

e ringraziare, per averlo creato, Nostro Signore:

lassù è più vicino, gli si parla con il cuore.